Mëngjesin e sotëm, rreth orës 07:54, një zjarr ka përfshirë kulmin e përbashkët të disa banesave në Fushë Kosovë, në afërsi të stacionit të trenit, konkretisht në rrugën “Drena II”.

Lajmin e ka konfirmuar Malë Gashi nga Brigada e Zjarrfikësve, i cili tha se ekipet kanë arritur që zjarri të jetë nën kontroll dhe tashmë është në përfundim.

Edhe zëdhënësi i Policisë së Kosovës për Rajonin e Prishtinës, Agron Borovci, tha se policia ka dalë menjëherë në vendin e ngjarjes.

“Sot, rreth orës 08:00, policia ka pranuar informatën për një zjarr aktiv në një objekt banesor në rrugën “Shtjefën Gjeçovi”, në Fushë Kosovë. Njësitë policore kanë dalë menjëherë në vendin e ngjarjes, po ashtu janë angazhuar edhe zjarrfikësit dhe ekipi mjekësor emergjent. Sipas të dhënave fillestare, tre persona janë dërguar në QKUK për trajtim mjekësor. Zjarri është lokalizuar, ndërsa hetimet për shkaqet e tij janë në vijim”, th ai./Arbresh.info